Gualiza milabni og 2 ka titles sa Tabogon motocross

SunStar Moto Race
SunStar Moto Race

Gigamit sa beteranong rider nga si PC Gualiza ang iyang taas nga kasinatian aron paglabni og duha ka mga kampyunato sa 2024 MS Motosuit Motocross Series 2nd leg nga giulohan og 2nd Mayor Francis Salimbangon Motocross Cup ning bag-uhay lang sa Barangay Pio, lungod sa Tabogon, amihanang Sugbo.

Gilupig ni Gualiza sila si Kervin Pepito ug Lawrence Tabas sa iyang paghari sa expert category unya iyang gipangbuntog sila si Pepito ug Jacob Quirol sa iyang dominasyon sa inter open division.

Si Pepito nibawi pinaagi sa pag-angkon sa korona sa novice open production ug nakabawi sab si Tabas pinaagi sa paglangkat sa kampyunato sa beginners open production.

Ang open enduro gipatigbabawan ni Clark Wagas unya nagsunod kaniya sila si Justine Arcayan ug Jun Enqiruez.

Nibawi si Arcay pinaagi sa paglabni sa titulo sa local enduro diin iyang gipukan sila si Junjun Agsot ug Brian Borbon, kinsa maoy naghari sa underbone.

Ang top 3 placers sa elite class mao sila si Arnel Lucero, Russel Quirol ug Jerry Abarquez.

Ang ubang mga ningdaug mao sila si Shanyl sa ladies open, Nica Quirol sa Under 14 age group, Gabriel Quirol sa pewee 50cc, John Borres sa mini 85cc, Ronan Atillo sa local Norte (All-Star).

Sa executive division, ang mga naghari mao sila si Ryan Quirol (40-44), Ayen Ledesma (45-49), ug Jonathan Cuyos (50-above). / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph