Guardo: Palibot sa CCSC hawanan sa tangled wires

File photo
CCSCFile photo

Nagpalibot nga tangled wires sa Cebu City Sports Center (CCSC) hawanan su­nod semana isip pagpangandam sa Palarong Pambansa 2024.

Sa pakighinabi sa Lunes, Hunyo 17, 2024, si Cebu City Councilor Jerry Guardo, chairman sa committee on infrastructure sa Konseho, niingon nga ilang gitutokan ang paghawan sa nagkaguliyang nga mga alambre nga naglibot sa CCSC tungod kay kadaghanan niining mga patay nga wire nakababag sa “welcome arches.”

Matod ni Guardo nga ila usab nga giila ang 15 ka mga poste sa kuryente nga wala na magamit ug subject na sa pagtangtang.

Matod ni Guardo karong semanaha ilang tangtangon ang labing menos unom ka karaan nga mga poste sa kuryente.

Siya niingon nga kini usa ka hamubo nga solusyon alang sa nagkaguliyang nga mga alambre ug karaan nga mga poste sa kuryente, niingon nga naghulat pa sila sa pagpatuman sa underground cabling.

Matod niya nga nagpaabot na lang sila sa final proposal sa proponent, nga mao ang MetroWorks ICT Construction Inc (MetroWorks).

Niadtong 2023, ang MetroWorks nisugyot og public-private partnership uban sa Cebu City Government nga magbutang og one pole system ug underground cabling system sulod sa Cebu City.

Kini nga mga proyekto gilatid sa usa ka sulat sa katuyoan nga gipetsahan og Hunyo 30, 2023, nga gidawat sa Office of the Mayor kaniadtong Hulyo 7, 2023.

Sa suwat nga gipirmahan ni Miles Tonn Chua, chief operating officer, ang MetroWorks niingon nga nag-ambit kini sa misyon ug panglantaw sa Cebu City nga mahimo’ng globally competitive ug ecologically balanced nga siyudad.

Matod ni Guardo, ang unsolicited proposal gikan sa MetroWorks maglangkob sa kinatibuk-ang 91 kilometros nga underground cabling sulod sa dagko’ng mga dalan sa dakbayan sa Sugbo.

Subling gipasabot ni Guardo nga sa dili pa hingpit nga ipatuman ang proyekto, himuon nila nga pilot project ang Osmeña Boulevard. Matod niya sa higayon nga makadawat na sila sa final proposal, ila kining ipresentar sa acting mayor ug aprobahan.

Matod ni Guardo nga katuyoan sa single pole policy mao ang paghimo og dugang luna sa sidewalk ug daghan na kaayo ang mga poste nga anaa sa daplin sa mga sidewalk nga dako kaayog luna sa maong dapit.

Matod niya alang sa single pole policy, magbutang sila og standard 18 feet nga poste. / AML

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph