Giproklamar na sa Barangay Board of Canvassers (BBOC) sa Maguikay National High School si incumbent Maguikay Barangay Captain Edward Gumera, Miyerkules, Disyembre 13.
Kini human nipagawas og kamanduan ang Commission on Elections (Comelec) 1st Division sa samang adlaw pabor kang Gumera.
Si Gumera usa sa mga kandidato kinsang proklamasyon nalangan tungod sa disqualification petition gikan sa pending administrative case sa Omnibus list nga gipagawas sa Comelec niadtong Oktubre ning tuiga.
Nasayran nga si Gumera nilingkod dayon sa katungdanan sa barangay human sa iyang proklamasyon.