Gunman sa E-bike drayber nailhan na

 GIDUMTAN: Naluko ang biktima nga si Leopoldo Dawa, 17, human nakaangkon og samad pinusilan samtang nagmaneho sa E-bike. /
GIDUMTAN: Naluko ang biktima nga si Leopoldo Dawa, 17, human nakaangkon og samad pinusilan samtang nagmaneho sa E-bike. / TAMPO

Aduna nay suspetsado ang Abellana Police Station sa pagpusil-patay sa E-bike driver nga menor de edad sa dalan Urgello, Barangay Sambag 1, dakbayan sa Sugbo niadtong Miyekules sa kaadlawon, Mayo 1, 2024 nga miangol sab sa kauban niini nga 15 anyos nga naa pa sa Cebu City Medical Center.

Gitug-an ni Police Lieute­nant Colonel Janette Rafter deputy city director for administration sa Cebu City Police Office nga dunay personal nga kasuko ang suspetsado ngadto sa biktima, ang gitan-aw nga motibo sa kapulisan.

Sa imbestigasyon, nasuta nga samtang nagmaneho sa E-bike si Leopoldo Rambo Anza Dawa, 17, taga-Sawang Calero giingong giduol kini sa usa ka wala mailhing lalaki ug gisita nganong sige og tutok kaniya.

Wa magdugay adunay miabot nga motor nga gisakyan sa tulo ka batan-on ug usa kanila ang mipusil sa biktima gamit ang kalibre .45.

Dali nga misibat ang mga suspetsado sakay gihapon sa ma­ong motor paingon sa South Western University Hospital.

Wala lang una mobutyag ang kapulisan sa pangalan sa mga suspek tungod kay nag­padayon pa ang imbestigasyon sa kapulisan. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph