Gi-terminate sa SM Megamall ang security guard niini tungod sa pagmaltrato sa batang babaye nga namaligya og sampaguita sa ganghaan sa mall.
Sa usa ka pamahayag nga giluwatan niadtong Huwebes, Enero 16, 2025, kusganon’g gisaway sa SM Megamall ang maong insidente, sanglit kanunay sila’ng nag-promote og inclusivity o patas nga pagtratar alang sa tanan.
“We regret and sympathize with the young girl who experienced an unfortunate incident outside our mall,” matod sa management.
“We have called the attention of the security agency to conduct an immediate and thorough investigation. The security guard has been dismissed and will no longer be allowed to service any of our malls,” dugang niini.
Sa usa ka viral video, makita ang security guard nga gipapahawa ug gipatiran ang bata nga nagsul-ob og school uniform unya gipangputol ang dala niini nga kwentas nga sampaguita.
Gipakita usab nga misukol ang bata human gipangguba ang iyang mga sampaguita.
Sa usa ka interbyu, si Philippine National Police (PNP) Civil Security Group (CSG) spokesperson Lieutenant Colonel Eudisan Gultiano miingon nga posible’ng makanselar ang lisensya sa security guard.
“So far, based on our assessment, sa video lang po makikita natin na may possible violation pagdating sa ‘yung conduct ng security guard, ‘yung decorum in the performance ng kanyang duty so may mga violation yan. Violation sa kanyang ethical standards, violation sa kanyang professional security creed and titingnan natin kung may violation ng special laws at puwede madagdag ‘yung sa administrative complaint sa Sosia (Supervisory Office On Security And Investigation Agency),” matod niya.
Giingon usab ni Gultiano nga ila usab tan-awon kon aduna bay tulubagon ang security agency sa maong gwardiya.
Si Mandaluyong City Police Chief Colonel Grace Madayag niingon nga iyang na nga gisugo ang mga imbestigador aron susihon ang maong panghitabo,” nagkanayon si Madaya. / TPM / SunStar Philippines