Gwen: Mananga, Lusaran rivers ipaubos sa desilting

GIHANGOP: Si Cebu Provincial Gobernador Gwen Garcia mainitong mihangop kang Acting Cebu City Mayor Atty. Raymond Alvin Garcia sa panag-abot nila sa meeting uban nila ni Lapu-Lapu City Junard Ahong Chan, Mandaue City Mayor Jonas Cortes ug uban pang mga opisyal sa buhatan sa gobernador sa Miyerkules, Mayo 15, 2024, diin gihisgutan ang pipila ka mga isyo lakip na ang umaabot nga Palarong Pambansa 2024. /
GIHANGOP: Si Cebu Provincial Gobernador Gwen Garcia mainitong mihangop kang Acting Cebu City Mayor Atty. Raymond Alvin Garcia sa panag-abot nila sa meeting uban nila ni Lapu-Lapu City Junard Ahong Chan, Mandaue City Mayor Jonas Cortes ug uban pang mga opisyal sa buhatan sa gobernador sa Miyerkules, Mayo 15, 2024, diin gihisgutan ang pipila ka mga isyo lakip na ang umaabot nga Palarong Pambansa 2024. / AMPER CAMPAÑA

Mopahigayon og desilting measures ang Kapitolyo sa duha ka mga sapa sa dakbayan sa Talisay ug siyudad sa Sugbo aron mahatagan og igong agianan ang tubig nga makaabag sa supply sa Metropolitan Cebu Water District (MCWD).

Gusto ni Cebu Governor Gwendolyn Garcia nga sugdan na sa labing dali’ng panahon ang pag desilt sa 15-kilometros nga sapa sa Mananga ug 6.5 kilometrong sapa sa Lusaran tungod sa nagpadayong krisis sa supply sa tubig sa Sugbo tungod sa El Niño phenomenon.

“Grabe na kaayong siltation aning Mananga nga na-compact na,” matod ni Garcia pinaagi sa social media arm sa Kapitolyo.

Si Garcia nakigtigum sa mga opisyal sa MCWD officials, pina­ngulohan ni general ma­nager Edgar Donoso, lakip si Manila Water Philippine Ventures general manager Stan Genosa, ug mga contractor sa Sugbo.

Ang silt naglangkob sa balas o yuta nga naanod sa pag-agas sa tubig sa sapa nga mobara sa baba niini hinungdan nga dili na makaagos ang tubig.

“Kon ma-desilt ni, mogawas gyod ang tubig,” dugang ni Garcia. Sa nasayran, ang duha ka mga sapa makahatag og moabot 30,000 ka metro kubiko nga supply sa tubig matag adlaw.

Apan subay sa milabay’ng datos, moabot na lang sa 6,000 metro kubiko ang ma-produce sa Mananga samtang 8,000 sa Lusaran.

Subay niini, gikatakda nga moluwat og special permits ang gobernador ngadto sa mga contractor aron masugdan na sa hinanali ang desilting sa sapa sa Mananga.

Samtang susihon una sa mga otoridad ang sapa sa Lusaran gumikan sa nabantayan nga environmental violations.

Ugaling masulbad kini, mopadayon na sa pag desilt sa maong sapa ang mga contractor.

Kahinumdoman nga sa Abril 29, gimando ni Garcia ang unang pag desilt sa Luyang River sa Carmen nga nag deliver og moabot 35 milyunes nga litro sa tubig matag adlaw sa MCWD. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph