Gwen, VM Garcia, Pesquera mosayaw

Cebu Gov. Gwendolyn Garcia. (File photo)
Cebu Gov. Gwendolyn Garcia. (File photo)

Dili mag-inusara sa pagsa­yaw si Gov. Gwendolyn Gar­cia sa iyang naandan nga sayaw atol sa Sinulog sa Lalawigan karong gabii, Enero 14, 2024 sa Cebu City Sports Center (CCSC).

Gipahibaw sa Kagamhanan sa Lalawigan sa Sugbo nga ubanan siya sa pagsayaw sa Sinulog nila ni Cebu City Vice Mayor Raymond Alvin Garcia ug Cebu City Councilor Jocelyn Pesquera.

Lakip usab sa mga mosayaw ang mga sakop sa Provincial Board ingon man ang mga department heads sa Kapitolyo.

Ang Sugat Kabanhawan Festival sa lungsod sa Minglanilla kinsa mao ang champion sa Pasigarbo sa Sugbo 2023 maoy apilan ni Garcia.

Gipaabot usab nga ubanan siya ni Minglanilla Mayor Rajiv Enad.

Matod sa Kapitolyo nga ningkompirmar na ang unom ka mga senador nga mosaksi sa kasaulogan kauban si Tourism Secretary Christina Garcia-Frasco.

Gilauman ang pagdiskurso sa mga senador sa dili pa pormal nga magsugod ang kompetisyon. Subay niini, giawhag usab ang tanang mga molantaw sa pagdala og imahe ni Sr. Sto. Niño subay sa ipahigayon nga hiniusang pagsayaw o community dance sa maong higayon.

Ang Sinulog sa Lalawigan salmutan sa 16 ka mga competing contingent gikan sa kalungsoran, dakbayan sa Lapu-Lapu ug Mandaue. Samtang ang Tribu Lumad Basakanon sa Dakbayan sa Sugbo, sama sa Minglanilla, mo-perform usab isip guest contingents.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph