Habalhabal drayber nag-sideline og shabu

NAKUHAAN OG SHABU: Habal-habal drayber nga si Gilbert ‘Gibi’ Niaga  Daclan, 45, nadakpan sa iyang pag-sideline sa pagpamaligya’g shabu.
NAKUHAAN OG SHABU: Habal-habal drayber nga si Gilbert ‘Gibi’ Niaga Daclan, 45, nadakpan sa iyang pag-sideline sa pagpamaligya’g shabu. Talisay City Police Station

Nadakpan ang habalhabal drayber nga giilang high value individual (HVI) sa kapulisan sa buy-bust sa mga sakop sa City Intelligence Drugs Enforcement Unit Intelligence Police sa kapulisan sa Dakbayan sa Talisay, habagatang Sugbo.

Ang nadakpan giila nga si Gilbert ‘Gibi’ Niaga Daclan, 45, ulitawo, adunay kapuyo, taga Upper SDA, Barangay Lagtang, Talisay.

Siya nakuhaan og 50 gramos nga shabu nga adunay standard drug price nga P340,000.

Lakip sa nakuha gikan kaniya ang .45 kalibre nga pistola samtang ang magazine niini adunay upat ka mga bala.

Ang maong operasyon gipahigayon niadtong Lunes, Enero 29, 2024 sa gabii, sa Purok Kasadya, Brgy. Lagtang, Ta­lisay City.

Ang CDEU sa Talisay pinaagi sa ilang koordinasyon sa Philippine Drug Enforecement Agency (PDEA) nipahigayon og buy bust batok sa maong subject sa dihang nasuta nga mo-sideline kini sa pagpamaligya og shabu gawas sa iyang pagka-habalhabal drayber.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph