Ma-ban na ba ang magtiayon sa isla sa Siquijor?
Daghan ang wala kauyon sa magtiayon nga content creator nga si Carissa Liaging o mas naila nga Habibi ug sa bana niini nga si Shaun Pelayo.
Kini subay sa laing kontrobersiya ni Habibi nga niuyon sa iyang bana dihang nagpadungogdungog kini sa usa ka live sa social media nga daw ilhon sa Siquijor ang ilang pag-promote sa isla.
“Ako promoting the island again, pero walay acknowledgement,” tipik sa chika ni Shaun nga giuyonan sab ni Habibi.
“If I will be the ano (organization), I will say thank you for always promoting Siquijor,” sey ni Habibi sa live.
Tungod sa maong chika sa duha, daghang taga Siquijor lakip na ang netizens nga wala nakauyon sa maong chika.
Usa ka netizen nga nikumento sa video sa duha ang TikTok user diin gitunglo ang maong content creator lakip na ang anak niini.
“Naa kay ambag aning kalibutan maam? Mas maayo dili naka mobalik diri sa among lugar sa Siquijor. Malipay pa me ug kuhaon naka sa Ginoo sabay imong anak,” komento sa usa ka TikTok user.
Laing video ang nikatap online nga naghilak si Habibi tungod sa maong comment kay lagi daw giapil-apil na ang iyang anak.
Hangyo ni Habibi sa mga mokumento online nga unta dili apil-apilon ang iyang anak.
Giangkon sab niini nga sayop ang ilang gihimo nga pagpublikar sa ilang mga komento.
Apan pabilin nga wa modapig ang netizens sa content creator kay gani si Anne Curtis nga kapin sa 100M ang views sa pag-swing niini sa usa ka sikat nga lake sa maong isla wala mangayo og acknowledgment sa pag-promote, sila na ba kaha? / HBL