Gihulagway ni Canadian Open tournament director Karl Hale nga usa ka grasya ang pagsalmot ni Filipina tennis superstar Alex Eala sa nagpadayon niining Women’s Tennis Association (WTA) 1000 event.
Gipasabot ni Hale nga human nakompirmar ang eskedyul sa premirong duwa ni Eala sa torneyo, dihadiha dayon nahurot pagkahalin ang mga ticket sa 10,077-seat Sobeys Stadium sa Toronto.
“This is sensational. It’s great to have the Filipino community out in droves here. Alex is an absolute blessing to the sport of tennis and our tournament,” matod ni Hale, nga napatik sa www.gmanews.tv.
“The Filipino community for months now has been calling in asking when does she play, who does she play, where does she play,” dugang ni Hale. / ESL