Ang pangalan nga Tyrese Haliburton maoy nilanog sa Indiana Pacers sa sayo’ng bahin sa regular season ug atol sa In-Season Tournament sa NBA.
Mihinayhinay og kulit sa iyang kaugalingon nga pangalan ang point guard nga si Haliburton diin nag-average kini sa nagpadayong regular season og 26.9 puntos, 4.2 ka rebounds ug league-high nga 12.1 assists.
Si Haliburton, ang nagtimon sa opensa sa Pacers, maoy No. 1 sa liga nga adunay 128.4 average points per game.
Sa In-Season championship game, nibuhat si Haliburton og 20 puntos og 11 ka assists apan nagkuwang sila batok sa Lakers, 109-123.
Sa pito ka duwa sa In-Season Tournament, nag-average si Haliburton og 26.7 puntos gikan sa 52.4 percent shooting ug apil pa ang 13.3 ka assists.
Si Haliburton nasulod sa NBA isip 12th overall pick sa tuig 2020 sa Sacramento Kings. Nabalhin siya tuig 2022 sa Pacers.