Handumanan sa karaa'ng panahon - Buglas Isla Cafe

Outdoor.
Outdoor. Buglas Isla Cafe Facebook

Maghatag og nostalgic feeling kon inyong masuroy ang heritage house nga karon gihimo nang kan-anan, ang ‘Buglas Isla Café’, nga nakapahimo’ng usa sa mga tourist destination sa Dumaguete City, Negros Oriental.

Wala matino kon kanus-a o unsang tuiga natukod ang maong estraktura, apan kini gipalit niadtong 1929 ni Senior Marcelo Rotea.

Gituohan nga kapin na sa 100 ka tuig kini nga gikataho’ng unang gitukod sa Bais City ug sa ulahi gibalhin sa Dumaguete City.

Nagsilbi na kini nga kan-anan, gawas sa Buglas, anaa sab ang La Mensa Restaurant.

Sa mga buot maka-experience og malinawon o laid-back ambiance nga lugar, haom ang maong café sa pag-unwind gikan sa stress ug ka-busy gumikan sa profession o personal issues tungod kay ma-reconnect ka sa kinaiyahan ug hamugaway, dili samok ug presko ang lugar.

Sa luyo nga bahin, adunay mini garden sa herbs sama sa mint leaves, thyme ug rosemary.

Sa inyong dining experience masuwayan ang al fresco dining o outdoor terrace. Naa sab silay indoors dining.

MENU

Ang café menu nagtanyag og mga kapilian sa Filipino ug international nga luto nga migamit og fresh ug local ingredients.

Nag-serve sila og brunch meals, breads, pastries, ug uban pa.

Gikan sa lamian nga makabusog nga pagkaon ngadto na sa light bites o snacks, makatag­baw gyud sa inyong cravings, samot na kon masuwayan ang ilang roasted – brewed coffee.

Ang maong café dili lang lugar alang sa inyong pagpa­ngaon nga inyong matagam­taman tungod kay adunay live music matag weekend ug ang view sa Buglas Isla Café ra ninyo masuwayan.

Gawas pa niini, aduna nay nipahigayon sa ilang wedding reception sa maong dapit du­ngan sa pagpahulagway sa ilang picturesque views nga ma­mahimo’ng maanindot nga handumanan sa inyong me­­morable nga okasyon.

OPERATION SCHEDULES

Ang Buglas Isla Café nahimutang sa Ground Floor, EJ. Blanco Dr, Dumaguete, 6200 Negros Oriental, Philippines.

Bukas kini sa matag adlaw gikan sa alas 7:00 sa buntag ngadto na sa alas 5:00 sa hapon.

Apan kon daghan ang guest o grupo, mas bintaha nga mohimo og reservation.

Alang sa dugang kasayuran mamahimo'ng moduaw sa i­­lang official Facebook o Instagram pages. / Dugang hulagway gi­kan sa Buglas Isla Café Facebook

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph