Wala gamita ni James Harden ang iyang player option aron makapirma og bag-ong duha ka mga tuig nga kontrata sa Los Angeles Clippers nga nagbalor og $81.5 million.
Ang 11-time All-Star, kinsa mag-edad og 36 sa dili pa mosugod ang 2025-26 season sa National Basketball Association (NBA), nag-average og 22.8 puntos, 8.7 assists ug 5.7 rebounds sa niaging season.
Naapil siya sa All-NBA third team, labing una niyang All-NBA honor gikan niadtong 2019-20 season.
Ang Clippers nakasulod sa playoffs sa niaging season apan gilupig sila sa Denver Nuggets sa deciding Game 7 sa 1st round. / Gikan sa wires