Nagtuo si New York Knicks guard Josh Hart nga dili taphaw ang ilang overtime nga daog batok sa defending champions Boston Celtics, 108-105, sa Game 1 sa ilang Eastern Conference 2nd round playoffs series sa National Basketball Association (NBA) niadtong Martes, Mayo 6, 2025 (PH time).
Human sa Game 1, adunay mga nag-ingon nga natayming lang nga dili maayong nakaduwa ang Celtics hinungdan nga ningdaog ang Knicks.
Apan alang ni Hart, ang ilang depensa maoy hinungdan nga bati ang duwa sa Celtics niadtong higayuna.
Ang duha ka mga kampo magsangka og balik sa Game 2 karong Huwebes, Mayo 8. / Gikan sa wires