Nakadawat ang Regional Haven for Women sa Best Center award sa 2024 PRAISE Awards niadtong Marso 14, 2025, diin giduso niini ang Department of Social Welfare and Development (DSWD) Field Office 7 nga pahugtan pa ang paningkamot sa pagpasiugda sa adbokasiya alang sa kababayen-an.
Usa sa mga nag-unang tumong niini mao ang pagpahunong sa violence against women and children (VAWC).
Kini nga adbokasiya gipalig-on pinaagi sa pagsaulog sa Women's Month matag Marso ug sa 18 ka adlaw nga kampanya sa pag-raise og awareness nga gihimo matag tuig gikan sa Nobiyembre 25 hangtod Disyembre 12.
Isip usa ka temporaryong protection facility, ang Haven for Women naghatag og pinuy-anan, rehabilitasyon, paglig-on, ug mga oportunidad alang sa kababayen-an aron makabangon pag-usab pinaagi sa pagpasiugda ug pag-raise og awareness mahitungod niining mahinungdanong adbokasiya.
Si Ananisa F. Aviso, kanhi pangulo sa sentro ug karon Focal Person alang sa Women’s Welfare, niingon nga ang Haven for Women usa ka dakong kabahin sa pakigbisog batok sa VAWC.
Usa sa mga inisyatiba mao ang paghiusa sa kanhi ug kasamtangang mga residente sa sentro atol sa ika-31 nga anibersaryo nga selebrasyon niadtong Hulyo 19, 2024. Ang maong kalihukan nga may tema nga “RHW at 31: Amplifying the Voices of Victim-Survivors to Effect Change” nagtumong sa pagmugna og network sa suporta ug mga watch group sulod sa komunidad aron mapanalipdan ang mga kababayen-an nga anaa sa krisis o nabiktima sa VAWC.
“What better way to lead a network of advocates for women’s empowerment than by those who have experienced violence and abuse firsthand,” matod ni Aviso.
“Thus, a network of women survivors who will become protectors, rescuers, and enforcers of this advocacy on the ground, especially in their respective communities, is a must,”dugang niya.
Ang maong panagtipon naglakip og focus group discussion diin ang kanhi ug kasamtangang mga residente nipaambit sa ilang kasinatian ug panglantaw kon giunsa sa sentro ang positibong pag-ugmad sa ilang kinabuhi.
Si Eva nga kanhi residente sa Haven for Women nga giluwas sa DSWD tungod sa exual exploitation, nanumpa sa panagtipon nga palig-unon ang network, gamiton ang iyang tingog aron makapadasig sa ubang kababayen-an, ug batokan ang mga stereotype sa katilingban.
“Many women remain voiceless because of the stereotype that women are just housewives—dependent on their husbands. I vow to challenge that,” matod ni Eva.
Sa iyang paghinumdom sa kasinatian sa sentro, nakahukom siya kanhi nga ipadayon ang iyang edukasyon ug magkuha og degree sa social work.
Uban sa suporta sa DSWD alang sa parte sa iyang tuition, nagtrabaho usab siya sa mga fast-food restaurant aron masuportahan ang uban niyang galastohan.
Nakahuman si Eva sa iyang degree, nahimong Registered Social Worker, ug karon nagtrabaho isip social worker sa DSWD.
“Despite the harsh realities of life—sometimes they break your soul—but most of the time, they deepen your understanding that life gives back to those who do not quit,” pagpaambit ni Eva.
“I don’t consider myself as a journey that can inspire others, but as a woman and a social worker, I know I must take a stand against those who abuse women and children,” sigon niini.
Matod niya, ang pagkadeklarar sa sentro isip ‘Best Center’ nagdala og mas dako nga responsibilidad sa pagpanguna pinaagi sa maayong sumbanan sa pagpanghimugso og lig-on nga network aron maprotektahan ang kababayen-an ug kabataan batok sa pag-abuso ug violence.
Uban sa Women Welfare Sector sa DSWD 7 ug (Inter-Agency Council Against Trafficking 7 — Violence Against Women and Children (IACAT7 - VAWC), ang Haven for Women nagtinguha nga moapil sa mga diskusyon ug oryentasyon bahin sa gender-based violence sa mga komunidad nga adunay taas nga kaso sa VAWC. / PR