Naangkon sa Atlanta Hawks ang katungod sa pagpili sa sunod nga No. 1 overall pick human sila midaug sa National Basketball Association (NBA) draft lottery ning Lunes, Mayo 13, 2024 (PH time).
Nadaog kini sa Hawks bisan aduna ra sila’y 3% nga purohan human sila nahiluna sa no. 10 nga puwesto sa Eastern Conference.
Ang apil sa draft lottery mao ang 14 ka teams nga wala nakasulod sa playoffs.
Niini pa lang ka sayo, gituohan nga laing taga France ang mahimo’ng sunod nga No. 1 overall pick ug kini mao si big man Alex Sarr, 19 anyos ug 7’1” ang gitas-on. / AP