Parehong ning-atras sa ilang partisipasyon sila si Jordan Heading ug Jason Perkins sa Gilas Pilipinas training pool alang sa umaabot nga Asian Games nga ipahigayon sa sunod buwan sa Nagoya, Japan.
Si Heading kinsa pambatong guard sa TNT Tropang 5G, nakadesisyon niini gumikan kay manganakay na ang iyang asawa sa sayong bahin sa sunod buwan, pasabot ni TNT Manager Jojo Lastimosa.
Samtang si Perkins kinsa usa ka pambatong big man sa Phoenix Super LPG Fuel Masters, padayon pa nga nagpaalim sa angol sa iyang tiil.
Ang Gilas nga maoy defending gold winner sa Asiad, nagporma og All-PBA nga puwersa ning higayona. / ESL