Moabot sa P1.3 bilyunes ang gigahin nga pundo ni Gobernador Pamela Baricuatro alang sa pagpaayo sa mga hospital, pagdugang og hospital personnel, ug upgrade nga himuon sa mga imprastraktura.
Sulod sa tulo ka buwan niini sa Kapitolyo, giaprubahan niya ang pagdugang og 78 ka mga doktor u 233 ka nurses.
Subay niini, ang Kapitolyo nipagawas og P180 milyunes nga pundo alang sa gasolina, tambal, supplies, ug uban pang operational expenses.
“Filling the manpower gap is one of the Capitol’s top health priorities because hospitals don’t just need buildings, they need people,” matod ni Provincial Health consultant Dr. Nikki Catalan.
Aron pag-upgrade sa mga hospital, moabot sa P650 milyunes nga capital outlay ang gipagawas nga pundo sa Kapitolyo karong tuiga samtang laing P650 milyunes nga proposed budget ang gitinguhang iduso niini alang sa 2026.
Ang maong pundo gamiton alang sa pag-upgrade sa infirmaries isip Level 1 facilities samtang ang level 1 hospitals himuong Level 2.
Una na nga gipahibalo ni Baricuatro nga hatagan og dakong pundo alang sa sunod tuig mao ang health, edukasyon, ug food security. / ANV