Hepe sa PRO 7 mibisita, misaludo ni P/Cpl. Amper

CEBU. The Police Regional Office-Central Visayas (PRO 7) in Cebu City.
CEBU. The Police Regional Office-Central Visayas (PRO 7) in Cebu City.File photo

Nibisita ang hepe sa Police Regional Office (PRO 7) sa panimay sa police personnel nga nakalas sa engkwentro tali sa mga sakop sa New Peoples Army (NPA) sa Purok Matin-ao 2, Brgy. Campagao, lungsod sa Bilar, Bohol.

Si Police Brigadier Gen.Anthony Aberin nitunol sa Medalya ng Kadakilaan kun PNP Heroism Medal sa pamilya ni Police Corporal Gilbert Amper sa balay niini sa lungsod sa Calape ug nihatag sa katapusang pagsaludo sa pag-ila sa iyang pagka bayani.

Si Amper kabahin sa team sa kapulisan ug mga sundalo nga ning-serve sa warrant of arrest sa usa ka lider sa mga rebelde sa dapit.

Uban ni Aberin ang acting commander sa Area Police Command (APC) Visayas nga si Police Major Gen. Robert Rodriguez ug pipila ka mga opisyal sa Philippine Army sa Bohol.

Gawas sa medalya nga gihatag sa pamilya, gi-turnover usab ni Aberin ang usa ka tseke gikan sa Public Safety Mutual Benefit Fund, Inc. (PSMBFI) nga moabot og P1 milyon, lakip na ang personal nga financial assistance nga gihatag sa PRO-7.

“Personal nga mipaabot sa ilang simpatiya una sa namatyan sa ginikanan ug sa pamilya ni Police Corporal Amper...” matod ni Nuez.

Lakip sa gihatagan og pasidungog ang laing polis nga samaran nga si Police Corporal Gerard Avila Rollon diin gitunolan siya og Medalya ng Sugatang Magiting ug cash nga wala na gibutyag ni Nuez kon pila.

Una na nga nitunol si Bohol Governor Erico Aristotle Aumentado sa iyang financial assistance sa pamilyang Amper nga mobalor og P100,000 ug isunod niya ang samaran nga polis. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph