Heroes kampyon sa Kadaugan sa Mactan tennis

Naangkon sa Lapu-Lapu Heroes nga gipangulohan ni Mayor Junard “Ahong” Chan ang overall title sa 2nd Kadaugan sa Mactan Inter-Club Tennis Tournament ning bag-uhay lang sa Lapu-Lapu City Tennis Court.

Sa ilang kalampusan, ang Heroes nakabulsa og P100,000 nga ganti samtang ang 1st runner-up nga mao ang Villa Estrella Tuburan nakabaton og P50,000.

Gawas ni Ahong, ang ubang mga sakop sa Heroes mao sila si Yoyon Calooy, Glen Abad, Keen Vincent Tuñacao, Van Zulueta, Edxan Pardilla, Martial Barro, Lemuel Rubi, Danny Navarro, Michael Petalco­rin, ug Gerard “Gio” Ponce.

Ang mga sakop sa Tuburan mao sila si Ande Bonnen Maxi­lom, Romeo Suson, Joefrey Castro, John Paul Yac, Alfie Pinca, Ethan Schultz Ondoy, Andot Potencioso, Andrian Paul Brigoli, Jovan Castro, Romar Rico, Jerome Delosantos.

Ang Chairman of the Committee mao si Fiscal Ruso Zaragosa. / ESL