Ipahiluna si weightlifter Hidilyn Diaz sa Hall of Fame sa Philippine Sportswriters Association (PSA) Awards Night karong Enero 27, 2025.
Gi-recognize si Diaz tungod sa iyang paglangkat og silver medal sa 2016 Rio Olympics ug gold medal sa 2020 Tokyo Olympics.
Ang gold nga nakuha ni Diaz sa Tokyo Games maoy labing una nga naangkon sa Pilipinas sa labing dakong sports competition sa kalibutan, nga ipahigayon kada upat ka tuig.
Giila sab sa PSA ang mga kalampusan ni Diaz sa nagkadaiyang international tournaments.
Si Diaz, 33, kinsa lumad nga taga Zamboanga City, napiling PSA Athlete of the Year awardee niadtong 2016, 2018, 2021, ug 2022.
Mosunod si Diaz sa lakang sa nahiunang nahiluna sa PSA Fall of Fame nga sila si eight-division boxing champ Manny Pacquiao, world-class bowlers Paeng Nepomuceno ug Bong Coo, chess grandmaster Eugene Torre, pool icon Efren ‘Bata’ Reyes, anhing FIDE president Florencio Campomanes, ug anhing trackster Lydia De Vega. / ESL