Giklaro ni Philippine weightlifting star Hidilyn Diaz nga padayon siya sa iyang tinguha nga makasalmot sa 2028 Los Angeles Olympics ug human niini, hingpit na siyang moretiro.
Taliwala ning iyang tinguha, gitataw ni Diaz nga padayon silang maningkamot sa iyang coach ug bana nga si Julius Najaro nga makabaton sila og anak.
Gitataw ni Diaz kinsa maoy labing unang atleta sa Pilipinas nga nakalabni og Olympic gold nga bisan mamabdos siya, padayon siyang manimpalad nga makasalmot sa LA Games.
“Actually, plano ko, plano pa lang, e. I don’t know paano maging situation ko kapag buntis,” matod ni Diaz sa interbyu sa Pep.ph.
Sa miaging semana, si Diaz, 34, nibalik na pagsalmot og kompetisyon diin nakalangkat siya og silver medal sa National Weightlifting Champions sa Dumaguete. / ESL