Mga duwa karon
7:30 P.M Game 1 TNT Tropang 5G batok San Miguel Beermen
Grandslam o maghari pagbalik?
Mao kini ang tumong sa TNT Tropang 5G ug San Miguel Beermen sa best-of-seven championship series nga sugdan karong Dominggo, Hulyo 13, 2025, sa Philippine Basketball Association (PBA) Philippine Cup Finals didto sa Smart Araneta Coliseum.
Ang TNT, kinsa maoy kampiyon sa Commissioner’s Cup ug Governor’s Cup, misyon nga makompleto ang talagsaon nga Grand Slam.
Ang Grand Slam mahitabo lang kon ang usa ka team midaog sa tulo ka conference sa maong season.
“We know napakalakas ng kalaban namin, and with all of our injuries as well. But we will just do what we've been doing the whole conference - keep fighting and just trying to give ourselves a chance,” sigun ni TNT coach Chot Reyes.
Ang Beermen sa ilang habig gustong makuha pagbalik ang korona sa All-Filipino nga maoy ilang giharian pila ka tuig ubos sa pagbandera ni June Mar Fajardo ug teammates niini.
Tinguha sa Beermen nga makabawi gikan sa bati nga performance sa milabay nga tulo ka conference.
Matod ni SMB coach Leo Austria nga dili pagpugong sa Grand Slam sa TNT ang ilang tinguha, kay naa sila’y lain nga misyon ug mao kini ang pagkuha pagbalik sa ilang winning tradition ug legasiya sa All-Filipino Cup.
“In our last six (Philippine Cup) championships, we never lost in the championship (series),” matod ni Austria. “And I think that's the legacy we want to keep and it's enough motivation for us.”
Ang TNT team governor nga si Ricky Vargas nagtuo nga dako nga hagit gyud nila ang Beermen.
“We're up against the No. 1 all-Filipino team in San Miguel Beer, and we'll take it a game at a time,” matod pa ni Vargas.
Posibleng kulang og pwersa ang TNT kay dili pa klaro kung makaduwa ba si Roger Pogoy ug Kelly Williams sa Game 1 tungod sa ilang injuries.
Si Williams nakakuha og right ankle injury sa Game 4 sa semis series batok Rain or Shine, samtang is Pogoy na-hamstring injury sa Game 2 sa susamang series. / RSC