Hinampakay sa Moalboal volleyball mobalik

MOALBOAL LGU/JANINE S ABENIDO
PERPEKTO: Ang Barili women’s team adunay perpektong rekord human sa tulo nila ka mga duwa sa nagpadayong Mayor Inocentes Cabaron Invitational Inter-town volleyball tournament. / MOALBOAL LGU/JANINE S ABENIDO

Human sa usa ka semana nga pagkahunong agi’g pagpamalandong sa Semana Santa, mobalik ang hinampakay sa 1st Mayor Inocentes Cabaron Invitational Inter-Town volleyball tournament ning tapos sa semana sa Moalboal Covered Court sa lungsod sa Moalboal, Cebu.

Ang host Moalboal ug Barili, nga parehong adunay 3-0 nga rekord, magpinaksitay ugma, Abril 7, 2024, aron ilugan ang top spot sa men’s division.

Sa wala pa temporaryong gihunong ang aksyon, ang Barili ningmakmak sa Badian, 28-26, 25-11, samtang gipangkastigo sa Moalboal ang Dumanjug, 25-21, 25-23, niadtong Marso 24.

Alang ni Moalboal playing coach ug ex-national team member Dave Cabaron, sila ang underdog ning sangkaa.

Gipasabot ni Cabaron nga dugay ra nga nagduwa ang Barili isip usa ka puwersa kumpara sa Moalboal nga naporma lang alang ning maong kompetisyon.

Hinuon, gitataw ni Cabaron nga masaligon siya sa iyang batos nga makaposte og surpresa nga kadaugan.

Sa laing men’s division nga duwa ugma, magkombati ang Alcantara ug Malabuyoc.

Sa women’s division, ang Barili (3-0) mosuway pagsakmit sa No. 1 nga puwesto sa ilang pagpakigbatok Moalboal.

Karong adlawa, Abril 6, ang wala say pilde nga Dumanjug (3-0) makigkontra sa Badian samtang makigtigi ang wala’y daog nga Alegria batok sa Ronda (1-2). / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph