‘Hitman’ sa illegal drug personality, nadakpan

MGA EBIDENSIYA: Makita ang mga ebidensiya nga gidiling drugas ug armas nga nasakmit atol sa buy-bust sa mga sakop sa Labangon Police Station sa Sabado sa gabii, Hunyo 8, 2024, sa Sitio Bonbon Barangay Labangon, dakbayan sa Sugbo. /
MGA EBIDENSIYA: Makita ang mga ebidensiya nga gidiling drugas ug armas nga nasakmit atol sa buy-bust sa mga sakop sa Labangon Police Station sa Sabado sa gabii, Hunyo 8, 2024, sa Sitio Bonbon Barangay Labangon, dakbayan sa Sugbo. / TAMPO

Giila sa kapulisan nga hitman sa usa ka drug personality, ang nasikop sa buy-bust operation sa mga sakop sa Labangon Police Station, Sabado sa gabii, Hunyo 8, 2024, sa Sityo Bonbon, Barangay Laba­ngon, dakbayan sa Sugbo.

Ang suspetsado giila nga si Patricio Abarri Nuñez, alyas Patrick, 33, taga Block 2, dan Magsaysay, Barangay Suba, siyudad sa Sugbo.

TAMPO
MGA EBIDENSIYA: Makita ang mga ebidensiya nga gidiling drugas ug armas nga nasakmit atol sa buy-bust sa mga sakop sa Labangon Police Station sa Sabado sa gabii, Hunyo 8, 2024, sa Sitio Bonbon Barangay Labangon, dakbayan sa Sugbo. / TAMPO

Nakuhaan si Patrick og mga pinakete nga adunay sud nga gituohang shabu nga motimbang sa 10.65 gramos nga dunay standard drug price nga P72,420.

Lakip sa nakuha sa mga operatiba ang .38 nga kalibre nga pistola nga dunay tulo ka bala niini.

Giingong gawas sa pagka­lambigit sa gun-for-hire ni Nuñez giingon mamaligya usab kini’g illegal nga drugas.

Nabilanggo na kini sa Cebu City Jail ug nakagawas niadtong Marso 2024 sa kaso niini sa illegal nga drugas.

Giandam na ang kasong ka­lapasan sa Sections 5 ug 11, Article II RA 9165 ug Republic Act 10591 kun illegal possession of firearms ang ipasaka nga kaso sa Labangon Police Station karong adlawa. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph