Gibuhian sa Boston Celtics ang usa sa ilang core players nga si Jrue Holiday pinaagi sa ngadto sa Portland Trail Blazers kagahapon, Hunyo 24, 2025.
Base sa taho sa ESPN, ang Celtics mokuha ni Anfernee Simons ug duha ka second-round picks sa Trail Blazers ilis kang Holiday.
Niadtong 2023, inisyal nga na-trade si Holiday ngadto sa Portland apil sa three-team deal tali sa Bucks, Suns, ug Trail Blazers nga maoy nidala kang Damian Lillard sa Milwaukee.
Na-trade dayon si Holiday sa Celtics human niadto.
Karon, mabalik ang two-time All-Star ug two-time NBA champion sa Portland.
Dako ang natampo si Holiday sa duha ka seasons sa Boston, nag-average siya og 11.9 puntos ug mao ang sinaligan sa depensa. Nakatabang sab siya sa paglangkat sa Celtics sa 2024 NBA title. / RSC