Miuyon si Jrue Holiday sa gitanyag sa Boston Celtics nga upat ka mga tuig nga contract extension nga nagbalor og $135 million, gikompirmar kini sa iyang agent nga si Jason Glushon ning Huwebes, Abril 11, 2024 (PH time).
Tungod niini, dili na gamiton ni Holiday ang nakalatid sa iyang kasamtangang kontrata nga player option sa sunod season sa National Basketball Association (NBA) nga nagkantidad og $37 million.
Si Holiday, 33, dako og natampo aron maangkon sa Celtics ang overall No. 1 spot sa 2023-24 season.
Ang Celtics kasamtangang adunay 62-17 nga rekord. / AP