Mosuway paglikay sa kaw-it sa panamilit ang TNT Tropang Giga sa ilang pag-host sa South Korean squad Anyang Jung Kwan Jang karong alas 7:00 sa gabii, Enero 24, 2024, sa East Asia Super League (EASL) sa Philasports Arena.
Ang Tropang Giga, nga adunay 1-4 nga rekord, nagkinahanglang modaug ning sangkaa aron magpabiling buhi ang ilang paglaum nga makaabante sa semi-final round sa Pool A.
Ning maong misyon, iparada og balik sa Tropang Giga isip import ang kanhi magduduwa sa National Basketball Association (NBA) nga si Rondae Hollis-Jefferson.
Si Hollis-Jefferson naalim na gikan sa angol nga iyang nasinati atol sa kadaugan sa Tropang Giga batok sa Taipei Fubon Braves, 80-69, niadtong Disyembre 20, 2024 sa Sta. Rosa, Laguna.
Makigtambayayong og balik si Hollis-Jefferson sa iyang igsuon nga si Rahlir sa pagsuway og daginot sa gamay nga purohan sa Tropang Giga nga makaabante.