Nag-ampo si TNT Tropang Giga import Rondae Hollis-Jefferson nga unta maalim ra dayon ang iyang kaparang sa Brgy. Ginebra Gin Kings nga si Justin Brownlee gikan sa pagkaangol.
Si Brownlee nakasinati og piang sa iyang kumagko sa tuong kamot sa 3rd quarter sa Game 3 sa Philippine Basketball Association (PBA) Season 49 Commissioner’s Cup finals series niadtong Miyerkules, Marso 19, 2025.
Ning maong duwa, midaog ang Tropang Giga, 87-85, nga naghatag kanila og 2-1 nga bintaha sa championship best-of-seven series.
Gipasabot ni Hollis-Jefferson nga dili siya gusto nga adunay maangol hilabi na sa championship series.
“I don’t know what happened to Justin but my prayers and everything for him,” asoy ni Hollis-Jefferson nga napatik sa Spin.ph.
“I don’t wish that on no one. Hopefully, he is good and he is able to play.” / ESL