Duna nay person of interest (POI) sa pagpusil-patay sa usa ka 29-anyos nga ulitawo niadtong Sabado, Agusto 9, 2025, sa Sitio Tonggo, Barangay Taloot, Lungsod sa Argao.
Tungod niini, ang mga sakop sa Argao Police Station nagpahigayon og hot pursuit operation aron dakpon ang suspek.
Nailhan ang biktima nga si Wilfred Fuentes, lumolupyo ra sa maong lungsod.
Subay sa imbestigasyon, gikataho nga ang biktima nagsakay sa iyang motorsiklo padulong nga mopauli sa ilang balay dihang gipusil sa makadaghang higayon og naigo sa nagkalainlaing parte sa lawas nga niresulta sa iyang hinanaling kamatayon. / JDG
