Nakakuha’g bahin sa sayong liderato ang Magnolia Chicken Timplados Hotshots ug NorthPort Batang Pier human nila gipangdispatsar ang ilang tagsa-tagsa ka kontra niadtong Dominggo, Nobiyembre 12, 2023, sa Philippine Basketball Association (PBA) Season 48 Commissioner’s Cup sa Ynares Sports Center sa Antipolo City.
Ang Hotshots ningmakmak sa Phoenix Super LPG Fuel Masters, 107-92, samtang ang Batang Pier ningpukan sa Rain or Shine Elasto Painters, 113-103.
Ang Hotshots ug Batang Pier pareho nang nanggunit og 2-0 nga rekord ug nakigbahin og luna sa ibabaw kauban ang Meralco Bolts.
Ang kadaugan sa Hotshots gipangulohan sa ilang import nga si Tyler Bey, kinsa nitali og 32 puntos. Sa ilang bahin, ang Batang Pier gipangulohan ni Arvin Tolentino pinaagi sa iyang career-high nga 35 puntos.