Gipintalan og hugaw sa Rain or Shine Elasto Painters ang limpyong rekord sa league-leader Magnolia Chicken Timplados Hotshots, 119-105, sa main game niadtong Dominggo sa gabii, Mayo 18, 2025, sa Philippine Basketball Association (PBA) Season 49 Philippine Cup sa Ynares Center Montalban.
Ang Elasto Painters mao ang nakaputol sa unom ka sunodsunod nga kadaugan sa Hotshots.
Niini, ningsaka ang Elasto Painters sa ikaupat nga puwesto dala ang 4-2 nga rekord diin ilang gikauban ang Brgy. Ginebra Gin Kings.
Gikan sa pagsugod hangtod sa katapusan, kontrolado sa Elasto Painters ang panagsangka.
Sa laing bahin, ang San Miguel Beermen sama sa gilauman, ninghubog og maayo sa Terrafirma Dyip, 128-89, sa premirong duwa.
Ang Beermen ningsaka sa ikatulong puwesto bitbit ang 5-2 nga rekord samtang ang Dyip natagak sa labing ubos nga karga ang 1-7 nga rekord.
Puntos matag usa:
1st game:
San Miguel (128) - Perez 17, Tautuaa 17, Brondial 16, Tiongson 13, Fajardo 12, Trollano 12, Cruz 11, Teng 8, Calma 8, Rosales 7, Lassiter 4, Cahilig 3.
Terrafirma (89) - Nonoy 24, Pringle 17, Sangalang 10, Zaldivar 9, Paraiso 7, Catapusan 7, Ramos 5, Melecio 5, Olivario 3, Ferrer 2.
2nd game;
Rain or Shine (119) - Nocum 20, Santillan 17, Clarito 14, Lemetti 11, Datu 10, Mamuyac 9, Malonzo 8, Tiongson 8, Caracut 7, Belga 7, Ildefonso 5, Norwood 3.
Magnolia (105) - Lucero 17, Sangalang 15, Barroca 15, Mendoza 11, Lee 7, Ahanmisi 7, Lastimosa 6, Alfaro 6, Eriobu 5, Abueva 5, Dela Rosa 4, Escoto 3, Dionisio 2, Laput 2./ ESL