Nasikop ang usa ka house boy ug iyang kauban atol sa buy-bust sa Sitio Kalubihan, Barangay Poblacion, dakbayan sa Talisay, Sugbo, pasado alas 10:55 sa gabii, Martes, Mayo 14, 2024.
Ang anti-illegal drug operation gihimo sa Drug Enforcement Unit sa Talisay City Police Station nga niresulta sa pagkasikop nila ni Jocel Abay Abellana, 44, residente sa nahisgutang dapit, ug ang kauban niini nga si Philjun Caballero Paires, 44, taga Barangay Cansojong, Talisay.
Sila si Abellana ug Paires nasakmitan og unom ka pakete ug usa ka pakete sa gituohang shabu, nga pulos motimbang og 32.5 gramos ug nagkantidad og P221,000. / DVG, TPT