Miparada ngadto sa ikalima nga sunodsunod nga daog ang Houston Rockets human nila gihagba ang Dallas Mavericks, 133-96, sa NBA regular season game didto sa Houston, Marso 15 (PH time).
Si Tari Eason mibuhat og career-high 30 puntos para pangulohan ang Houston.
Miamot si Jalen Green og 23 puntos og siyam ka rebounds, bisan pa galingkod na kini sa tibuok fourth quarter kay nagbitbit naman og double digit lead ang Houston.
Si Brandon Williams mihimo og 25 puntos gikan sa bench para Mavericks, kinsa napildi kapito sulod sa walo ka duwa. / RSC