Hubog nagmaoy gisuklan, patay

Hubog nagmaoy gisuklan, patay
SunStar Local News GPX

Nakasugat ang hubog nga E-bike drayber og kontra nga mipatol kaniya sa dihang nagmaoy sa tawo nga igo lang niagi sa kalsada hinungdan nga siya napatay hinuon.

Namatay diha-diha ang biktima nga si Junnex Abayon, 32, adunay kapuyo, taga-Sityo Kawayanan, Barangay Biasong, Talisay City human gihansakan sa wa mailhi nga lalaki og hait nga hinagiban ang iyang liog.

Nahitabo ang pagpanunggab sa kaadlawon sa Biyernes, Mayo 3, 2024 sa Sityo Calachuchi, Barangay Dumlog, Talisay City.

Sa pakighinabi sa Superba­lita Cebu ngadto ni Patrolman Raffy Rempojo, Talisay City Police Office nasayran nga hubog ang biktima.

Sa wa pa ang pagpanunggab si Abayon nagkalalis tali sa iyang kapuyo diha sa kalsada sa Sityo Calachuchi samtang diha sila sa iyang E-bike.

Atol sa lalis adunay duha ka wa pa mailhang mga lalaki nga ning-agi sa lugar apan giingong gipareglahan ni Abayon.

Sigun pa sa kapuyo nga nakadungog siya sa usa sa duha nga na­ngutana: “Unsay problema, Bay?”

Giduol hinuon kini ni Abayon apan giduslak siya sa sa mao nga lalaki sa liog. Nakita nalang sa kapuyo nga nahagbo og kalit ang biktima.

Samad sa wala nga bahin sa liog ang naangkon ni Abayon nga miresulta sa iyang hinanaling kamatayon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph