Nalumos ang usa ka 62-anyos nga lalaki dihang nisuway sa paglabang sa sapa didto sa Sityo Kawayan, Cambang-ug, Toledo City alas 11:50 sa buntag sa Hunyo 28, 2025.
Ang biktima, naila nga si Heraclio B. Secretaria, giingong aksidente nga nahulog sa usa ka lawom nga gikalot nga bahin sa sapa.
Nasayran nga ang biktima hubog atol sa insidente.
Human makadawat og report, ang mga sakop sa Coast Guard Sub-Station Toledo daling nagpadala sa ilang Disaster Response Group (DRG). Giubanan sila sa mga operatiba gikan sa Bureau of Fire and Protection (BFP) Toledo ug City Disaster Risk Reduction and Management Office (CDRRMO) nga nihimo og surface dive operation.
Alas 2:08 sa hapon, malampusong nakuha sa responding team ang patayng lawas ni Secretaria. /