Husay sa extradition ni Teves sa Timor Leste natapos na

FILE
NAGLAUM: Ang kagamhanan sa Pilipinas naglaum nga uyonan sa Timor Leste ang pag-extradite ni kanhi kongresista Arnolfo Teves Jr. balik dinhi sa nasod aron siya moatubang sa mga kaso nga gipasaka batok kaniya. / FILE

Ang Department of Justice (DOJ) niingon sa Martes, Hunyo 18, 2024, nga ang extradition trial ni Negros Oriental Representative Arnolfo Teves Jr. sa Timor Leste natapos sa miaging semana.

Sa usa ka pamahayag, ang DOJ niingon nga ang Timor Leste Central Authority ug ang kampo ni Teves pareho’ng nagsumite sa ilang mga papeles sa posisyon.

Kini niingon nga ang korte gilauman nga mopagawas sa ilang desisyon sa maong butang sa katapusan sa Hunyo.

Ang ahensya nipadayag og lig-on nga pagtuo nga ang mga saksi niini epektibo nga nakasukol sa mga argumento ni Teves.

Ang legal counsel ni Teves, Attorney Ferdinand Topacio, niingon nga ila usab nga gihatag ang ilang pinakamaayo ug ilang gipaabot ang paborableng desisyon gikan sa korte subay sa konstitusyon niini ug “walay pagtagad sa diplomatic pressure nga gihimo sa gobyerno sa Pilipinas.”

Ang pagbista na-trigger sa hangyo sa gobyerno sa Pilipinas nga i-extradite balik si Teves sa nasod diin siya nag-atubang og daghang mga kaso sa pagpatay kalabot sa iyang giingong pagkalambigit sa pagpatay kang Negros Oriental Governor Roel Degamo ug uban pang mga indibidwal sukad niadtong 2019.

Si Teves gipalagpot gikan sa Ubos Balay Balauranan niadtong Agusto 2023 tungod sa iyang pagpangita og politikanhong asylum sa Timor Leste, sa iyang padayong dili otorisadong pag-absent ug sa iyang malaw-ay nga kinaiya sama sa gipakita sa usa ka video nga siya nagsayaw nga nagsul-ob lamang sa iyang pang-ilalom nga sapot nga iyang gi-upload sa social media.

Nagdumili siya sa pagbalik sa Pilipinas nga nagkanayon nga nameligro ang iyang kinabuhi nunot sa paglambigit kaniya sa pagpatay kang Degamo.

Ang pagkaisip kaniya nga terorista sa Anti-Terrorism Council maoy hinungdan sa pagpalagpot kaniya.

Niadtong Pebrero, gimandoan sa Korte sa Manila ang Department of Foreign Affairs nga kanselahon ang pasaporte ni Teves.

Gidakop siya sa Dili City niadtong Marso samtang nagdula og golf. Ang pagdakop nahitabo mga semana human ang DOJ nihangyo sa Interpol nga ibutang si Teves ubos sa red notice niini.

Kasamtangang gi-house arrest si Teves. / TPM / SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph