GISIKOP sa mga sakop sa Provincial Intelligence Unit-Police Drug Enforcement Unit sa Bohol Police Provincial Office ang usa ka 29 anyos nga lalake nga nabutang sa listahan sa PNP nga high value individual atol sa gilusad nga buy bust alas 9:28 sa gabii sa Sabado, Pebrero 8, 2025, sa Purok 8, Barangay Bool, Dakbayan sa Tagbilaran.
Ang nasikop giila nga si alyas Pipoy, 29, taga Purok Del Carmen, Barangay Villalimpia, Lungsod sa Loay, Probinsya sa Bohol.
Nakuha gikan kaniya ang mga pinutos sa gituohang shabu nga motimbang sa 200 gramos nga dunay standard drug price nga P1,360,000.
Tulo ka semana nga gipaubos sa monitoring si Alfeche human madawat ang impormasyon nga nalambigit kini sa pagpamaligya sa illegal nga drugas.
Giingong makabaligya ang suspek og 100 gramos matag semana diin ang iyang distribution areas mao ang Dakbayan sa Tagbilaran, mga lungsod sa Loay ug Baclayon ug mga kasikbit nga lugar.
Base sa pamahayag sa dinakpan nga ang iyang supplier sa illegal nga drugas naa sulod sa bilanggoan.
Kalapasan sa Section 5 ug 11, Article II, Republic Act 9165 ang gipasaka sa Bohol PNP batok sa suspek. / AYB