Usa ka biyuda nasakmitan og gituohang shabu nga nitimbang og 900 gramos nga dunay standard price nga P6,120,000 atol sa buy-bust sa Sityo Lower Linao, Barangay Linao, Dakbayan sa Talisay, alas 2:31 sa hapon sa Dominggo, Hulyo 7, 2024.
Ang operasyon gilusad sa City Drugs Enforcement Unit sa kapulisan sa Talisay nga gipangulohan sa ilang hepe nga si P/Lt. Col. Epream Paguyod ug ubos sa koordinasyon sa Philippine Drug Enforcement Agency (PDEA 7).
Ang 53 anyos nga biyuda giila nga high value individual (HVI), online seller, taga dan Fidel Bas, Sitio Mollila, Brgy. Linao, City of Talisay.
Matod pa nga sa dihang ang suspek na validate nga mamaligya’g shabu, gilusad dayon ang buy-bust.
Nasakmit gikan sa suspek ang usa ka pakite sa gituohang shabu ug buy-bust money.
Sumala sa kapulisan, gawas sa gitunol nga drugas ngadto sa poseur buyer, nakuhaan pa siya og walo ka dagkong putos sa gituohang shabu, may cell phone nga gituohang gigamit sa mga transaksiyon sa ilegal ug kuwarta nga P970 nga gituohang halin sa shabu. / DVG