High value individual ang nadakpan sa mga sakop sa Sawang Calero Police Station 6 atol sa gilusad nga buy-bust alas 4:25 sa kaadlawon, Martes, Hulyo 22, 2025, sa Tupas Street, Barangay Sawang Calero, Siyudad sa Sugbo.
Ang nadakpan giila nga si Raymond Bacus Bastida, 30, taga Sitio Lawis-Alaska Mambaling .
Nakuha gikan sa suspek ang mga dagkong putos sa gituohang shabu nga motimbang sa 510 gramos nga dunay standard drug price nga P3,468,000.
Sa imbestigasyon sa kapuliĀsan, nasuta nga kapin na sa usa ka buwan nga namaligya sa ilegal nga drugas ang suspek.
Human nakuha ang kasayuran, gipaubos dayon ang suspek sa monitoring sulod sa duha ka semana.
Giingong makabaligya siya og usa ka kilo nga shabu matag semana gikan sa iyang supplier nga gisubay pa sa kapulisan kon si kinsa. / AYB