HVI sa Talisay nadakpan; P408K nga shabu nasakmit

6 ka adlaw’ng operasyon, P28M nga shabu nasakmit
SunStar Local News

Nasikop sa Talisay City Police Drug Enforcement Unit ubos pagdumala ni P/ Lt. Col. Epream Paguyod sa buy-bust inabagan sa Philippine Drug Enforcement Agency (PDEA-7), Hunyo 25, 2024 ang duha ka gikatahapan nga mga durugista.

Ang giila nga high value individual (HVI) ug kauban nakuhaan og 60 gramos nga adunay standard drug price nga P408,000 ug .357 caliber nga Smith and Wesson magnum revolver.

Ang operasyon nahitabo sa Purok Alisto, Brgy. Tabunok, Dakbayan sa Talisay. Ang mga nangasikop giila nga sila si Raymond, 39, ulitawo, taga Purok Manggihatagun, Brgy. Tabunok, nga maoy subject sa buy- bust.

Iyang kauban nga si Matt, 32, ulitawo, may kapuyo, taga Escario St., Brgy. Kamputhaw, Cebu City nasikop sab.

Gipalitan og shabu si Raymond gamit ang budol money bugti sa usa ka pakete nga shabu. Wa kabantay si Raymond nga nagpakaaron ingnon nga buyer ang polis hinungdan nga nadakpan human sa transaksiyon. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph