Nagpahayag sa ilang suporta ang Integrated Bar of the Philippines (IBP) sa gahom sa Korte Suprema sa pagbasura sa mga impeachment complaint batok kang Bise Presidente Sara Duterte, samtang hugot nga nipasidaan sa bisan unsang panawagan sa pagsupak sa desisyon sa korte.
Sa usa ka pahayag nga gipagawas niadtong Agusto 1, 2025, ang opisyal nga organisasyon sa mga abogado sa nasod nihatag og gibug-aton nga ang pagpanghilabot sa Korte Suprema dili lang judicial review, apan usa ka kinahanglanon nga pag-asertar sa constitutional balance.
“The enduring architecture of a constitutional order where power is limited, roles are defined, and accountability flows through process,” matod pa sa IBP.
Samtang giila nga ang House of Representatives lang ang adunay eksklusibong gahom sa pagsugod sa impeachment proceedings, giklaro sa IBP nga ang Korte Suprema kinahanglan nga maghubad sa konstitusyon labi na kon ang mga legal nga proseso maoy gilalisan.
Gipasiugda sa IBP nga ang politikal nga kinaiyahan sa impeachment dili makapanalipod niini gikan sa judicial scrutiny nga gikutlo ang probisyon sa Konstitusyon nga nagtugot sa hudikatura sa pagsusi sa mga excesses kon nagpasulabi nga mga sanga sa gobiyerno.
Gihulagway niini ang korte isip katapusang maghuhukom sa mga pangutana sa konstitusyon ug usa ka mahinungdanong tigbantay sa checks and balances.
Giila sa organisasyon nga ang publikong debate bahin sa desisyon sa korte usa ka timaan sa usa ka himsog nga demokrasya, apan gikondena ang bisan unsang sugyot sa pagsalikway o pagsupak sa awtoridad sa korte.
“To incite public repudiation of its authority, or even just to call for its outright defiance, erodes the very foundations of the legal order,” sumala sa IBP.
“Treating unfavorable rulings as grounds for disobedience threatens the rule of law and the stability of democratic institutions,” dugang niini.
Gitapos sa grupo ang ilang pahayag pinaagi sa ilang pasalig sa pagsuporta sa due process ug sa rule of law isip mahinungdanong mga haligi sa nasudnong soberanya ug demokratikong pagdumala. /RGP