Gibarugan sa gitaktak nga Overseas Workers Welfare Association (OWWA) administrator nga si Arnell Ignacio ang regularidad sa P1.4-billion deal sa pagpalit og yuta nga gisudlan sa ahensya ubos sa iyang pagdumala, nga sa sayo pa giila sa Department of Migrant Workers (DMW) nga adunay anomaliya.
Sa usa ka press conference, matod ni Ignacio nga ang pagpalit sa yuta niagi sa legal nga proseso ug gisusi kini pag-ayo sa OWWA technical working group nga naglakip ni DMW Secretary Hans Cacdac.
“Lahat ng mga requirements sinunod at sinabing maayos ang aming pagkakasunod sa RA 10752. Kaya ako gulat na gulat na tinawag itong anomalous deal,” matod ni Ignacio.
“Napakabigat. Pagkatapos, napakaraming alegasyon sa akin. Saan nanggaling? Sa isang papel na walang nakapirma? Na andami daming sinabi na kinita ko? Pati nga ‘yung numero, di na nga magkasundo kung magkano. Wala po akong kinita dito,” dugang niya.
Gitataw ni Ignacio nga ang Land Bank of the Philippines ang nag-assess sa kantidad sa yuta ug mao kini ang gibasihan sa insaktong kantidad nga gibayad sa OWWA.
“At sana man lang, binigyan ako ng pagkakataong makausap. Nagulat na nga lang po ako na isang araw, pinatawag ako na ako ay papalitan… ‘Yun po ang nangyari dito, di ko po ito itinago. Ito pong ganitong kagandang transaksyon, bakit namin itatago ito,” matod ni Ignacio.
Sa usa ka interbyu niadtong Sabado, Mayo 24, gibarugan ni Cacdac nga ang kasabutan nga gipirmahan niadtong Setyembre 2024, nga giingong para sa pagtukod og half-way house o dormitory-type nga akomodasyon para sa overseas Filipino workers duol sa Ninoy Aquino International Airport (NAIA) Terminal 1, usa ka anomaliya.
Gisubli niya nga ang maong kasabutan wala giaprubahan sa OWWA Board of Trustees.
Ang desisyon sa pagpalit sa propiyedad ug ang pag-usab sa importanteng probisyon sa deed of absolute sale wala gibutyag sa board, nga usa sa mga kritikal nga lakang sa proseso sa pagkuha.
Matod ni Cacdac nga sa inisyal nga deed of absolute sale, ang OWWA ang responsable sa buhis, apan ang labing ulahi nga bersyon niini nagdirekta sa obligasyon nga ilakip ang P36 milyon nga bayad.
Giingon ni Cacdac nga sa panahon sa pagpalit, ang yuta giokupar sa usa ka tenant nga adunay kasabutan sa pag-abang diin ang OWWA ang niasumir sa papel isip “landlord” nga walay pormal nga pagtugot gikan sa board. / TPM / SunStar Philippines