Kasamtangang nagpahigayon ang National Basketball Association (NBA) og imbestigasyon kabahin sa kasamok nga nahitabo human sa kadaugan sa Denver Nuggets batok sa Los Angeles Lakers, 101-99, sa Game 2 sa ilang Western Conference 1st round playoffs series niadtong Martes, Abril 23, 2024 (PH time).
Ang maong insidente naglambigit sa usa sa mga igsuon sa pambatong sentro sa Nuggets nga si Nikola Jokic.
Sa videos nga gi-share sa TMZ ug uban pa nga outlets, nakita ang igsuon ni Jokic nga nitikang og mga lingkuranan, nakiglalis sa laing lalaki ug iya kining gisumbag. / AP