Ika-4 nga sakop sa pamilya nasikop atol sa buy-bust

SunStar Dalaguete
SunStar Dalaguete

Giila nga high value individual (HVI) ang nadakpan atol sa buy-bust operation sa mga sakop sa Dalaguete Municipal Police Station - Drugs Enforcement Unit ubos sa pagdumala ni PMAJ Vincent Awit Zozobrado inabagan sa Philippine Drug Enforcement Agency (PDEA) 7.

Nasakmit gikan sa dinakpan nga si Gerson alyas Jeter, 33, ulitawo, ug taga Barangay Ablayan, Dalaguete, ang gituohang shabu nga motimbang og 7.06 ka gramos.

Gibanabanang moabot sa P48,000 ang balor niini.

Nakuhaan usab siya og kalibre 357 magnum revol­ver nga may duha ka mga bala sa cy­linder niini.

Ang malampuson nga buy- bust operation nahitabo alas 3:10 sa hapon, Hunyo 25, 2024, sa Sityo Katambisan, Brgy. Mantalongon, bukirang dapit sa Dalaguete, Cebu.

Nasayran nga ang suspek sa dihang gisusi ang amahan niini ug duha ka mga igsuon, ang nabilanggo gumikan gihapon sa illegal drugs.

Unang nadakpan ang kabanay ni Gerson sa miaging semana sa maong gihapong operasyon. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph