Gipamulta sa Philippine Basketball Association (PBA) og P20,000 si Converge FiberXers assistant coach Danny Ildefonso gumikan sa komentaryo niini sa social media nga makadaot sa dungog sa liga.
Mao kini ang desisyon ni league commissioner Willie Marcial human niya gikasulti si Ildefonso, kansang komentaryo adunay kalambigitan sa iyang anak nga si Dave.
Si Dave gikuha sa NorthPort Batang Pier isip No. 5 overall pick sa niaging PBA draft apan hangtod karon, wala pa kini nakapirma og kontrata.
Sa iyang komentaryo, nagpasumbingay si Ildefonso nga daw usa lang ka farm team ang Batang Pier.
“Nag-usap kami, tinanong ko kung ano nangyari. Nadala lang siya sa emotion sa mga nakikita niyang post din ng mga netizen dahil sa anak niya ‘yun,” matod Marcial nga napatik sa Spin.ph.
“Sabi ko sa kanya, ganyan talaga, kasama sa trabaho ‘yan. Mas madami nga sa akin eh. Kailangan talaga, relax-relax ka lang. Sabi niya, ‘Comm, pasensya at hindi na mauulit.” / ESL