Usa ka 24/7 hotline ug help desk ang ablihan sa buhatan ni Cebu Vice Governor Glenn Anthony Soco sa legislative building sa kapitolyo aron maoy modawat sa mga yangungo sa mga konstituwente sa Lalawigan sa Sugbo.
Kini maoy gipahibalo ni Soco subay sa tinguha nga mas mapalapdan ang paghatag og serbisyo sa mga Sugboanon pinaagi sa pag-abag sa pinansyal, legal, ug uban pa’ng kakulian sa matag distrito.
Abagan sab kini sa nagkadaiyang buhatan sa kagamhanan lakip ang mga opisina sa board members kon dunay specific nga concerns sa pito ka mga distrito. Gikatakda kining ilusad sa Agusto 11, 2025.
Atol sa iyang paglingkod niluwat sab og executive order si Cebu Governor Pamela Baricuatro pag-establisar sa People’s Action Center (CPAC) nga maoy magsilbing center aron sentralisado ang komunikasyon, feedback ug pagtubag sa Probinsiya sa Sugbo sa mga yangungo o concerns sa mga Sugboanon.
Ang CPAC aduna usab 24/7 nga hotline diin ang motubag niini mga gi-train na nga mga personnel.
Duna sab kini mobile application nga adunay real-time tracking, push notifications ug geotagged reporting features. / ANV