Gibutyag ni Senador Imee R. Marcos nga adunay mga kauban niya sa Senado nga nag-awhag niya nga mokandidato alang sa pagka-Senate President. Apan matod pa, si bisan kinsa ang mapili sa senado alang sa maong posisyon ang labing importante nga mapatuman ang congressional reforms.
Mahinungdanon sab nga adunay reporma diha sa budgetary process.
“Tigilan na ang mahiwagang bicam,” matod pa sa Senador.
Iyang gihatagan og gibug-aton nga ang paggamit sa pundo alang ngadto sa mga prayoridad nga gastuhon nga base sa kahimtang sa panudlanan sa nasud, ilabina sa kakuwang sa pundo ug aduna pay dako nga utang.
Gihisgotan usab ang mga sektor nga angay tagaan og prayoridad; food security, pagsuporta sa mga mag-uuma ug mananagat, edukasyon, panglawas ug ang gikinahanglang social services.
Giinsistir ni Marcos nga ang gahom sa budget kinahanglan nga magpabiling naa sa Kongreso human giduso sa Office of the President (OP) ang National Expenditure Program (NEP).
“We should also start electoral reforms, including political party reforms which have become mere tools for personal ambition rather than the public interest,” dason sa senadora.
Dugang pa nga ang Senado nagsilbi nga tigbantay sa nasudnong interes ug ang pagka-independente niini. /PR