Mangulo si Senador Imee Marcos sa imbestigasyon sa Senado sa pagsikop ni kanhi Presidente Rodrigo Duterte subay sa mando sa International Criminal Court (ICC) tungod sa pasangil labot sa crimes against humanity
Ang senador kinsa maoy chairman sa Senate Committee on Foreign Relations, ang nanawagan og dinalian nga imbestigasyon sa maong kontrobersiya nga nakapasiak pag-ayo sa nasod.
“It is imperative to establish whether due process was followed and to ensure that his legal rights were not just upheld but protected, especially given the involvement of the International Criminal Police Organization (Interpol) and the International Criminal Court (ICC),” matod niya.
Lakip nga imbitahon sa maong imbestigasyon mao ang mga opisyal gikan sa Philippine National Police (PNP), Department of Transportation (DoTr), Department of Foreign Affairs, National Security Council, ug Civil Aviation Authority of the Philippines (CAAP), ug uban pang ahensya.
“The Senate must address these critical concerns to uphold the country’s jurisdiction and to clarify policies governing our law enforcement agencies and their engagement with international tribunals. Our sovereignty and legal processes must remain paramount,” matod pa ni Marcos.
Basi sa eskedyul nga gipagawas sa Senate Public Relations and Information Bureau nga ang maong hearing ipahigayon sa Marso 20.
Nasayran nga si Marcos nga nailhan nga suod sa pamilyang Duterte, ang nipadayag sa iyang kasagmuyo sa gihimong pagsikop nga iyang gihulagway nga maoy hinungdan nga nagkagubot ang nasod.
“Hindi ako makapaniwala. Medyo nayanig ako masyado, kawawa naman si [dating] presidente Duterte,” sigon pa sa senadora.
“Ang akin kasi hindi na tayo natututo, gulo lang ang dulot nito hindi na tayo natuto itong paulit-ulit ay walang pakianabang sa mga naghihirap sa bayan ang bangayan ng pulitika. Parang naging cycle na tayo pag ganito, gumanda ba ang buhay natin dahil sa pamumulitika? umasenso ba ang ating bansa? Hindi na tayo natuto,” dugang pa niya.
Sa usa ka press conference, si Presidential Communications Office (PCO) press officer Undersecretary Claire Castro nipadayag nga ang administrasyon mo-cooperate sa maong imbestigasyon.
Nipasalig usab siya nga walay hagit gikan sa Malacañang aron pugngan ang maong proseso.
Si Duterte gidakop sa Pilipinas niadtong Marso 11 ug dayon gidala ngadto sa The Hague sa Netherlands diin nahimutang ang headquarters sa ICC diin si FPRRD gibiyahe pinaagi sa private jet nga gibayran sa nasudnong kagamhanan.
Si Duterte kasamtangang gitanggong sa Hague Penitentiary Institution o Scheveningen Prison. Sa mando ni Duterte, ang Pilipinas nihunong sa membership niini sa Rome Statute nga nagtukod sa ICC niadtong 2019.
Ang kasamtangang administrasyon ni Presidente Ferdinand “Bongbong” Marcos Jr. mipili nga dili na magpamiyembro pag-usab sa ICC.
Sa miaging pahayag, gipasiugda ni Presidente Marcos nga ang tabang sa gobiyerno sa pag-aresto kang Duterte wala tungod sa mando sa ICC, kondili tungod sa kasabutan sa Interpol nga maoy nagpahigayon sa maong mando.
Giklaro usab niya nga ang ICC walay hurisdiksyon sa Pilipinas. / TPM / Sunstar Philippines