Gihulagway ni Senador Imee Marcos nga usa ka maayong lakang ang paghatag og re-extension sa franchise consolidation sa public utility vehicles (PUVs) sa nasod ngadto na sa Abril 30, 2024.
Buot ni Senador Marcos nga sa maong paghatag og igong panahon sa mga PUV drayber, gamiton sab ang maong panahon nga mapangitaan og paagi sa kagamhanan nga makapadayon ang mga jeepney driver ug operators sa ilang panginabuhian.
Misugyot ang opisyal nga inay ang pag-phase out sa tradisyonal nga transportasyon, gikinahanglan nga adunay comprehensive strategy nga mapahimuslan sa kinabag-an.
Gihinganlan sa senador ang pag-modernizing sa mga existing jeepney, pagpalambo sa infrastructure ug ang pag-develop sa sustainable alternatives sama sa paggamit sa electric ug hybrid vehicles ug ubang pamaagi.
Niadtong Enero 25, 2024, giaprobahan ni Presidente Ferdinand Marcos Jr. ang rekomendasyon sa Department of Transportation sa paghatag og lugway sa deadline sa franchise consolidation sa PUVs ngadto na sa Abril 30, 2024.
Sa maong tulo ka buwan nga extension, maghatag og kahigayonan sa transport groups sa pagsalmot sa PUV modernization program. / PR